28.2.13
Bienvenidos al Norte
"Bienvenidos al Norte". Dany Boon. (2008)
Phillippe Abrams (Kad Merad) é un carteiro ao que destinan, en contra da súa vontade, a Bergues, unha viliña na fronteira con Bélxica. Pero, cando chega alí, encóntrase cun lugar idílico e xentes encantadoras. De todos os xeitos, á súa muller (Zoé Félix), da que está bastante distanciado, asegúralle que vive nun auténtico inferno, co fin de espertar a súa compaixón. Pero un día ela decide ir a velo. Entón Abrams pídelles aos seus novos amigos e veciños que representen unha farsa e se comporten de forma que pareza que a vida nesa vila é verdadeiramente un pesadelo.
25.2.13
Gañador de Relatos con Banda Sonora
22.2.13
Entrega dos premios do concurso de acrósticos
20.2.13
A nosa biblioteca presenta en Santiago a súa experiencia no eido dos e-books
Hoxe 20 de febreiro no auditorio da Biblioteca de Galicia, na cidade da cultura fíxose a presentación do proxecto piloto para a incorporación dos lectores electrónicos nas bibliotecas escolares E-LBE, integrado no PLAN LÍA de bibliotecas escolares. Nesta presentación estivemos, ademáis dos centros seleccionados para este plan piloto, os responsables da biblioteca do CEIP Mestre Valverde Mayo, de Mos (Pontevedra) e da biblioteca do IES Lama das Quendas para compartir as nosas experiencias co uso destes dispositivos que empregamos dende hai algún tempo.
Se queredes coñecer máis sobre estas presentación aquí tedes os enlaces. http://www.edu.xunta.es/biblioteca/blog/?q=node/507 e http://www.edu.xunta.es/web/node/8667
18.2.13
18 comidas
18 comidas conta seis historias ao longo dun único día de ficción. Unha película de formato pouco convencional -con guión pero con diálogos abertos á improvisación- que viaxa a través de dezaoito comidas -almorzos, xantares e ceas- que nos fan partícipes dalgúns deses momentos que poden cambiar unha vida.
14.2.13
As voces baixas
As voces baixas
Manuel Rivas. Xerais (2012)
EDICIÓN LITERARIA,NARRATIVA
Esta obra é unha construción de humor e dor. Unha novela da vida para chorar e rir. Quen son as voces baixas? Son as criaturas, os nenos e nenas, as mulleres que falan soas, os mortos, os animais... É a ironía a que sostén as palabras, a que terma das «voces baixas» para que non se afundan, para que resistan e mesmo procuren unha segunda vida á marxe das relacións de dominio e poder, nun entroido existencial. En As voces baixas o eu anda á procura do nós. É un libro no que se entrelazan a memoria persoal e a colectiva. Dende o primeiro medo, o que lle provocan uns cabezudos que resultan ser figuras dos Reis Católicos, o narrador asiste á descuberta da vida por mor da existencia extraordinaria da xente do común. O barrio de Monte Alto, a aldea urbana de Castro de Elviña, o lugar de Corpo Santo, coa luz do faro de Breogán, a prisión provincial, o cemiterio de Santo Amaro, o poboado céltico, o Monte Xalo onde as nenas pastoras pisan o sol, a escaleira onde os nenos clandestinos escoitan os murmurios da imaxinación... Unha xeografía real para un pobo marabilloso: as «voces baixas» que non queren dominar e que se alimentan de contos
10.2.13
Cartas de inverno. Novela gráfica
Cartas de inverno. Novela gráfica. Antonio Seijas. Xerais(2012)
Baseado na novela de Agustín Fernández PazÁ volta da súa viaxe, o escritor Xabier Louzao atópase coas cartas que o seu amigo Adrián lle escribira durante a súa ausencia. Unhas cartas que, nunha espiral de enigmas, descobren os estraños sucesos que está a vivir Adrián na súa nova casa e que levan a Xabier a acudir na súa axuda. Mais alí, os dous amigos terán que enfrontarse a misterios que talvez as persoas nin tan sequera somos capaces de imaxinar. Versión en banda deseñada de Cartas de inverno, a extraordinaria novela de terror de Agustín Fernández Paz, un dos clásicos da narrativa galega contemporánea. // Di Agustín Fernández Paz: “Este Cartas de inverno de Antonio Seijas recolle a historia, os personaxes e os ambientes que creei no seu día, comezando pola omnipresente mansión onde todo sucede. Trátase da mesma historia, narrada a través da linguaxe do cómic e a través doutra mirada.
6.2.13
Ética de urgencia
A política, o 15-M, as novas tecnoloxías, Internet e as descargas ilegais, os abusos de poder, as contradicións do capitalismo, a forza e a debilidade da democracia, pero tamén a beleza, a morte, a solidariedade...
Como saber os que pensan os mozos? Preguntándollo. Unha resposta aparentemente sinxela, que esconde unha gran dificultade. Porque hai que saber preguntar, hai que saber poñerse no lugar dos mozos, gañar a súa confianza. Escoitar e á vez aconsellar, opinar, posicionarse... Fernando Savater realizou unha serie de encontros con alumnos novos e respondeu ás inquietudes que lle formulaban.
De aí, saíu este libro, esta ética de urxencia, que nos avisa das inquietudes dos que gobernarán o mundo do mañá. Unha obra que representa o regreso de Fernando Savater ao diálogo cos adolescentes sobre as cuestións morais que máis lles preocupan; o territorio onde obtivo o seu maior éxito editorial: Ética para Amador.
Un libro que recupera a confianza no poder do diálogo para convencer e avanzar. Unha travesía que garda un asombroso parecido coas preocupacións do resto de cidadáns, pero expresadas co entusiasmo, o pulo, a indignación e a urxencia dos que en breve herdarán as responsabilidades do mundo.
Como saber os que pensan os mozos? Preguntándollo. Unha resposta aparentemente sinxela, que esconde unha gran dificultade. Porque hai que saber preguntar, hai que saber poñerse no lugar dos mozos, gañar a súa confianza. Escoitar e á vez aconsellar, opinar, posicionarse... Fernando Savater realizou unha serie de encontros con alumnos novos e respondeu ás inquietudes que lle formulaban.
De aí, saíu este libro, esta ética de urxencia, que nos avisa das inquietudes dos que gobernarán o mundo do mañá. Unha obra que representa o regreso de Fernando Savater ao diálogo cos adolescentes sobre as cuestións morais que máis lles preocupan; o territorio onde obtivo o seu maior éxito editorial: Ética para Amador.
Un libro que recupera a confianza no poder do diálogo para convencer e avanzar. Unha travesía que garda un asombroso parecido coas preocupacións do resto de cidadáns, pero expresadas co entusiasmo, o pulo, a indignación e a urxencia dos que en breve herdarán as responsabilidades do mundo.
4.2.13
El pequeño Nicolás
Chega "El Pequeño Nicolás", a adaptación ao cine do popular personaxe creado para o teatro por Jean-Jacques Sempé e René Goscinny.
O argumento céntrase en Nicolás, un rapaz cunha vida tranquila, uns pais que lle queren, unha panda de amigos "fenómenos" cos que se divirte moito e non ten ningunha gana de que cambien as cousas.
Non obstante, un día o noso protagonista escoita unha conversación entre os seus pais que lle fai pensar que a súa nai está embarazada. Éntralle o pánico e ponse no peor: pronto chegará un irmán, que ocupará tanto espazo que os seus pais xa non poderán ocuparse del e rematarán mesmo abandonándoo no bosque, como a Pulgarcito.
1.2.13
Antología del humor español
Antología del humor español.Varios Autores. Selección de Vicente Muñoz Puelles. El árbol de la lectura, Oxford.(2012) Castelán
Argumento
«A la hora de escribir», dijo el autor francés Rabelais, «más vale provocar la risa que las lágrimas, porque la risa es lo propio del ser humano.» La risa y su compañera la sonrisa nos ayudan a ser más felices y a ver el mundo de otra manera. Se suele decir que el humor español es más bien negro, que tiene tonos sombríos. Quizá haya algo de eso, pero el lector también encontrará en esta antología páginas llenas de intuición, diversión y gracia, que abarcan desde el reflexivo ingenio de El conde Lucanor a la imaginación desbocada de Ramón Gómez de la Serna.