17.6.24
10.6.24
Lamañazo Rock 2024: agradecemento...
1. En primeiro lugar á xente do Castañazo, alma mater deste Lamañazo, por motivarnos a comezar con este proxecto, e guiarnos e acompañarnos no proceso.
2. Á directiva do IES Lama das Quendas por facer (burocracia, documentos oficiais e demais) e, sobre todo, deixarnos facer, confiándonos equipamento e instalacións do centro con total liberdade.
3. Á Aula de Debuxo de 4º ESO e o seu profesor Ángel Alvaredo Maceda, polo traballazo facendo o novo logo e os cartaces do festival.
4. Ao profesorado e comunidade educativa, pola axuda e ánimos recibidos, a pesares de ter que faltar a algunhas das súas clases nos intensos días previos ao festival e aguantar algúns ensaios con máis volume do habitual.
5. A todas as bandas coas que contactamos que non puideron vir, por facernos chegar o seu alento e interese para futuras posíbeis edicións.
6. A todas as bandas que puideron arranxar (RASCALS, LIVIAO DE MARRAO E SIETE ROJO) para podermos desfrutar, de xeito completamente desinteresado, da súa maxia ao vivo e cun equipamento mínimo e subterráneo.
7. A Sonia da cafetería do centro e do Nº13, quen nos aconsellou e axudou á hora de organizar a cantina, e traballou no picoteo das bandas participantes.
8. A todas as entidades, asociacións e empresas que, dun xeito ou doutro, axudaron e colaboraron para que este festival collera forma: Protección Civil, FICH, Calambuco Distribuciones, Besbello, Matiz Instrumentos Musicais, Asociación Luis Nieves e Casa da Música de Chantada,.
9. A Miguel Piñeiro do xornal El Progreso, e Chema Núñez da emisora de radio COPE Lugo, por estar pendentes dende o principio e facerse eco deste festival máis aló destas terras do Asma.
10. E por último, mais non menos importante, a todas as persoas que sacaron un anaco do seu valioso tempo para achegarse na tarde do 6 de xuño e formar parte desta xa segunda edición do festival. Ilusión e ganas de traballar non han faltar, de seguro!
Viva O Lamañazo! 😈🤘🖤
4.6.24
RASCALS, quinta e definitiva banda para o Lamañazo 2024...
Conxunto formado Moi recientemente e polo de agora só temos covers, ainda que cremos que nos definen ben. Parte dos temas son eses míticos que moita xente chamaría de “ascensor” e outros mais cañeros. Polo que que algo que nos podería definir ben a día de hoxe é unha fusión Jazzrock.
Nun futuro próximo, comenzaremos a sacar temas propios para que así a xente o poida pasar igual de ben que nós nun elevador. 😜