Data de celebración:4 de Marzo de 2011
1ª XURADO: estará composto por profesorado, algún pai e/ou nai, alumnado e persoal non docente; solicitamos voluntarios interesados (comunicalo en Dirección).
2ª PUNTUACIÓN: o xurado cualificará de 0 a 5 puntos, ata acadar un máximo de 30, atendendo aos seguintes criterios:
· creatividade e orixinalidade dos disfraces
· esforzo invertido no traballo
· representación, coreografía, música, letras, etc.)
· participación visíbel de todo o grupo (mesmo coa intervención dos titores e titoras)
· reutilización de materiais usados
· limpeza e orde na aula
3ª A puntuación obtida por esta actividade será acumulábel para o concurso “a aula+sostíbel”, dado que hai importantes compoñentes relacionados coa participación e colaboración entre o alumnado e o relativo ao orde e limpeza da aula.
4ª Para evitar que interpreten mal o sentido da actividade transmitirémoslle ao alumnado a obriga de non traer ningún obxecto nin material relacionado co entroido (utilizado para a preparación da súa comparsa) ata o mesmo día da actividade (venres 4 de marzo). Asimesmo, fóra da hora de titoría (se o titor ou titora decide aproveitar esa sesión para isto) non se tratará este tema ata ese día. Os alumnos que queiran falar de como organizalo, repartir tarefas anticipadamente, etc., que o fagan nos recreos e fóra das horas de clase.
5ª Calquera problema que a xuízo do xurado altere o normal desenvolvemento da actividade, como que un alumno deixe un baño sucio ou se produza algún deterioro, suporá a descalificación dese grupo. Se a falta se considera grave restaránselle 10 puntos do concurso.
6ª Quedarán excluídas do concurso aquelas persoas que boicoteen o normal desenvolvemento do mesmo.
7ª Todos os participantes no concurso, comprométense a aceptar as presentes Bases, así como o criterio interpretativo do xurado cuxa decisión será inapelábel e a renunciar a calquera tipo de reclamación ao respecto.
Ningún comentario:
Publicar un comentario