A vida secreta de Úrsula Bas, Arantza Portabales

Dun día para outro, e sem que se saiba o motivo, desaparece unha escritora de sona. O seu home pon unha denuncia na comisaría de Compostela á que, logo dunha baixa prolongada, se acaba de reincorporar Santi Abad. Tras a resolución do “caso Alén”, o asasinato que pouco máis dun ano antes fixera abalar os alicerces do mundo da arte e da sociedade galega, o inspector Abad e Ana Barroso, ascendida a subinspectora, volven formar equipo.

Segue lendo

Coa man esquerda, Xabier Quiroga

En Lisboa, fronte á foz do Texo, un escritor retirado recibe un sobre que contén unha nota e un cartafol cheo de follas atropeladamente manuscritas. Nelas, un vello moribundo que moraba nunha residencia de anciáns asolada pola pandemia conta os desacougantes sucesos que viviu sendo neno na súa casa afastada da aldea e que o marcaron para sempre. Esa especie de confesión ou legado do vello servirá para, ademais de liberarse dun pesado lastre, descubrir un segredo que o escritor non sabía de si mesmo.

Segue lendo

Nós tamén temos historia. Volume II, Alumnado do IES Lucus Augusti

Da man do profesor Gaspar M. Méndez Fuentes, o alumnado de 2º e 3º ESO do curso 21/22 vén de recoller nunha publicación parte da nosa historia a través dos seus antepasados. Valéndose dunha pequena narración e unha fotografía, describen vivencias acontecidas cargadas de valor histórico.

Segue lendo

Sapiens. De animales a dioses, Yuval Noah Harari

Hace 70.000 años al menos seis especies de humanos habitaban la Tierra. Hoy solo queda una, la nuestra: Homo Sapiens. ¿Cómo logró imponerse en la lucha por la existencia? ¿Por qué nuestros ancestros recolectores se unieron para crear ciudades y reinos? ¿Cómo llegamos a creer en dioses, en naciones o en los derechos humanos; a confiar en el dinero, en los libros o en las leyes? ¿Cómo acabamos sometidos a la burocracia, a los horarios y al consumismo? ¿Y cómo será el mundo en los milenios venideros?

Segue lendo

Francisco Fernández del Riego. O legado silandeiro, Héctor Cajaraville

Francisco Fernández del Riego (1913-2010) foi o principal dinamizador do galeguismo cultural tras o abrupto corte que supuxeron a Guerra Civil e a posguerra. Ademais de poñer en marcha todo tipo de proxectos encamiñados a recuperar a presenza do galego como lingua de cultura nunha sorte de «segundo Rexurdimento», durante gran parte da súa longa vida foi o alicerce ao redor do que se artellou o traballo conxunto entre os intelectuais do exilio, os que permaneceron no país tras a contenda e as novas xeracións de galeguistas que van xurdindo malia o difícil contexto da ditadura franquista.

Segue lendo

Galicia. Francisco Fernández del Riego

Francisco Fernández del Riego propón nesta obra unha ampla e vizosa viaxe organizada en doce itinerarios ou peregrinacións co fío argumental que lle brindan uns amigos bretóns que veñen visitar o noso país e reciben a hospitalidade e a clarividencia do seu anfitrión.  «Galicia» sitúase na liña da vella tradición de Vicente Risco, de Ramón Otero Pedrayo, de Álvaro Cunqueiro ou de Xosé María Castroviejo, pero non esquece a memoria dos antigos viaxeiros ilustrados que nos visitaron (Borrow, Ford) e que deixaron por escrito as experiencias do seu camiñar pola nosa terra.

Segue lendo

Oficios de labregos...

 

O pasado martes alumnado de 4º de ESO estivo no Espazo Xove vendo a exposición “Oficios de Labregos” de Ángel Utrera Baza, onde o propio autor falou da súa mostra de 25 fotografías nas que tentou capturar o día a día das nosas labregas e labregos.

Segue lendo

Baleirada no Espazo Xove...

 Pobreza. Emigración. Abandono.

A mocidade foxe. A xente maior morre. Non nacen meniños. Aldeas sen xente. Lembranzas, buratos... Ninguén, e silencio. (…)

Baleirada. Que non baleira. Abandono obrigado. Non por gusto, senón por forza. Porque todos os camiños estaban pechados, menos o da morte. E despois da morte veu o ninguén. E despois a noite, o silencio e as sombras. 

Pero o tempo é redondo, coma un prato vello, ferido por unha culler enfurruxada...

Segue lendo