Proxección do documental "Asolagados"

Hoxe no salón de actos do IES Lama das Quendas tivo lugar a proxección do documental "Asolagados" dirixida polo chantadino David Vázquez Vázquez e que foi organizada pola Biblioteca e polo departamento de Xeografía e Historia. Previamente o alumnado fixo unha labor de investigación localizando historias de familiares ou amigos que se viron afectados por a construción do encoro.

Despois do visionado do filme houbo un pequeno coloquio co director do documental no que os rapaces/as de primeiro de ESO  lle trasladaron todas aquelas inquedanzas que lles xurdiron despois da proxección e durante a busca de información. A experiencia resultou moi enriquecedora para o alumnado que coñeceron de cerca toda a problemática que ocasionou a construción do embalse de Belesar.
Dende aquí queremos agradecerlle a David a súa  colaboración desinteresada no desenvolvemento desta actividade ao tempo que lle facemos chegar a nosa felicitación por tan estupendo traballo.