Elena Gallego Abad no IES Lama das Quendas

Onte visitounos, no I.E.S. Lama das Quendas, a escritora Elena Gallego Abad autora da coñecida saga de Dragal. O encontro tivo lugar no salón de actos co alumnado de 2º e 3º de ESO e con algún de 1º de BAC. Na xuntanza falou principalmente de Dragal, aínda que, tamén fixo algunha referencia ao seu libro Sete caveiras. Ao final, o alumnado puido satisfacer a súa curiosidade preguntando á autora todas aquelas dúbidas que tiñan e Elena asinou exemplares a todos os que o quixeron.
Deixámosvos algunhas instantáneas do encontro.