Encontro con María Solar

Onte recibimos a visita de María Solar, escritora e xornalista ( ademais doutras moitas cousas que nos contou). Chegou da man da Editorial Anaya-Xerais, á que lle damos as grazas, para ter un encontro con  alumnos do noso instituto: 1º e 2º de ESO e 1º de Bacharelato. Arredor de 120 estudantes que escoitaron engaiolados os comentarios que a autora fixo sobre os libros que o noso alumnado lera: Las brujas de la reina Lupa, O meu pesadelo favorito ,  As horas roubadas e , especialmente, Los niños de la viruela/ Os nenos da varíola.

Foron dúas horas nas que aprendemos moito do proceso de documentación para o seu derradeiro éxito e da creación desta novela baseada nun feito real aínda moi pouco valorado e descoñecido. Posteriormente,a nosa rapazada fixo  preguntas e, finalmente, agardou, de forma masiva, a que María Solar lles asinase os exemplares cos que saían emocionados do salón de actos .

Xa tenteamos as opinións dos lectore/as durante o período de lecer, e afirman ter escoitado á autora con moita atención ao tempo que  resaltan o seu xeito de transmitir, "chegoulles" con facilidade. Comentan que as súas explicacións provocaron un gran interés por facer a lectura daqueles seus libros que aínda non tiveron ocasión de ler.

Dende a biblioteca do IES Lama das Quendas queremos manifestar a noso contento por poder gozar da presenza e as palabras de María Solar, e a noso agrado ao coñecer a satisfacción do alumnado na realización desta actividade que , sempre, se programa coa finalidade de fomentar a lectura e animar a escribir. Estamos formando lectores e ,quen sabe!, futuros escritores.

Queremos, por último,trasladar ao noso alumnado a felicitación que tanto o representante da editorial como a propia autora nos fixeron chegar polo excelente comportamento e actitude amosados  por todo o alumnado ao longo do encontro.