2024 ~ Biblioquendas

26.4.24

Somos un pobo de artistas. O método Luísa Villalta, Xurxo Souto

O primeiro monumento da literatura galega son as cantigas medievais. Os ``Cantares Gallegos`` de Rosalía son o gran referente do Rexurdimento. Cantigas e cantares. Non obstante, a música sempre estivo ausente nas clases de literatura. En 1999 Luísa Villalta publicou ``O outro lado da música, a poesía``, libro-referente, onde puxo en valor a mutua atracción que senten entre si ambas as dúas artes. Seguindo o seu método, penetramos na selva vizosa da música galega contemporánea para procurar esa unidade primixenia.

Luísa Villalta. A música e a poesía na mesma persoa, Anxo Xoán Rajó Pazó

Na década de 1990 xorde na nosa terra unha poeta que vai conformar unha voz propia na lírica galega. Ela, Luísa Villalta, ao carón de moitas outras voces femininas, van constituír azos de aire fresco para a nosa literatura, que por fin se feminiza, ata tal punto que protagoniza unha das etapas máis fecundas e extraordinarias da poética en lingua galega.

La paciente silenciosa, Alex Michaelides

Alicia Berenson, una pintora de éxito, dispara cinco tiros en la cabeza de su marido, y no vuelve a hablar nunca más. Su negativa a emitir palabra alguna convierte una tragedia domestica en un misterio que atrapa la imaginación de toda Inglaterra.

¡Ai, canto falan as pombas que falan!, Antonio García Teijeiro

Falan, falan e falan as pombas que falan, e ao falaren escriben a palabra paz; contan historias de nubes, raposos e pitas; contan contiños de prata; cuspen as verbas do revés pero sempre falan con palabras de cores.

Berta, Concha Blanco

Moitas veces a muller, despois de ter camiñado anos da súa vida, chega a un punto no que os seus horizontes vitais se ven ensombrecidos e condicionados pola incomprensión familiar.

Quince relatos, Rudyard Kipling

Neste volume recóllense parte dos primeiros relatos aparecidos na prensa; neles, Kipling con mestría traza un retrato da esencia da sociedade india, as difíciles relacións entre o mundo do funcionariado inglés por un lado e o dos nativos e mestizos polo outro, e pon de manifesto a diferenza dos seus referentes culturais.

23.4.24

Proxecto Ceos Galegos

17.4.24

Premiados do Torneo de Xadrez 2024...

Onte martes tivo lugar no tempo de lecer a entrega de premios do "Torneo de Xadrez 2024".

No acto, o Vicedirector Roberto Rodríguez Pérez fixo entrega dos mesmos a Xabier Pérez Ochandategui, Arman Aimar Mirabedini Álvarez, Javier Andrés López Liscano e Víctor Luis Bouzas Rodríguez... Parabéns!!!

E mil grazas a todas as demais persoas participantes!

2.4.24

Premiadas do "Concurso de cartas de amor e poesía (San Valentín 2024)".

O pasado venres 22 de marzo tivo lugar no tempo de lecer a entrega de premios do "Concurso de cartas de amor e poesía (San Valentín 2024)".

No acto, o Vicedirector Roberto Rodríguez Pérez fixo entrega dos mesmos a Noelia Areán Bernárdez (1º premio), Vanessa González Jorge (2º premio) e a Érika Fernández González, Laura Pérez Varela e Nerea Vázquez Mirás (accésits). Parabéns!!!

E mil grazas a todas as demais persoas participantes!

Organizaron Biblioquendas e Dinamización Lingüística.

Colaboraron Edicións Fervenza e a Cafetaría do centro.

29.2.24

Celebrando o Día de Rosalía de Castro...

Traballos feitos por alumnado de A Quenda do Libro e Proxecto Competencial polo

Día de Rosalía de Castro... 🖤

26.2.24

Resolución Concurso de Cartas de Amor e Poesía 2024...

22.2.24

Sempre Rosalía!

5.2.24

Estrelas galegas da ciencia, Maite Vence, Manuel Vicente e Andrea Burés

Estrelas galegas da ciencia é un libro ilustrado, de ton divulgativo e divertido, que explica a historia da ciencia feita en Galicia e a dos seus persoeiros e achados científicos máis significativos.

Saudade, Natacha G. Mendoza e Antonio Seijas

Saudade quiere dar eternidad a la luz, esa luz que asoma flotando en la penumbra.

Un proyecto en que pintura y palabra se unen para mostrar nostalgias, soledades e historias que habitan en el tiempo.

A miña vida nas estradas, Gloria Steinem

A miña vida nas estradas é a historia amena, conmovedora e profunda de como Gloria foi medrando, e con ela tamén creceu o movemento revolucionario pola igualdade, dende a súa primeira experiencia de activismo feminista na India ao seu traballo como xornalista nos anos sesenta; do bulebule das campañas electorais á fundación da revista Ms.

A madriña, Nones Araújo

Era o ano 57 do século pasado. A madriña, muller entrada en anos, obriga ao destino a poñer nas súas mans a vida dunha nena que, filla de pais emigrados, queda baixo a súa tutela, en total desamparo. A madriña, rexida polos mandamentos divinos e convencida de que o sufrimento e o sacrificio son virtudes e non atrancos, educa a afillada nunha pedagoxía austera na que sempre un censor, un deus ou un xuíz avaliarían a diario os feitos da pequena.

Le Tour du monde en 80 jours

A Londres, dans les années 1880, Phileas Fogg, un brillant inventeur avide d'être enfin pris au sérieux, lance à Lord Kelvin, le président de la Royal Academy of Science, un challenge : il parle de faire le tour du monde en 80 jours. Kelvin impose ses conditions : en cas de succès, Phileas Fogg lui succédera à la tête de l'Académie ; en cas d'échec, il sera impitoyablement radié...

The Insider

The Insider (en España: El dilema) es una película de 1999 dirigida por Michael Mann. El argumento versa acerca del mercado del tabaco, que mueve sumas multimillonarias, y acerca de las polémicas estrategias y artimañas utilizadas por las empresas tabaqueras a la hora de comercializar los cigarrillos.

29.1.24

Ceos Galegos con Dosi Veiga...

O pasado venres 26 tivemos unha vez máis a Dosi Veiga de Ceos Galegos ofrecendo unha charla a alumnado de 1º de Bacharelato sobre 'algo máis que astronomía' no Espazo Xove de Chantada. Un luxo!

23.1.24

Ovella descarreirada, Marilar Aleixandre

Este libro contén trinta e tres poemas sobre unha ovella descarreirada, un polbo no garaxe, abellas bailando sen descanso a louca danza da ledicia ou fanecas bravas que ollan en fite a balea azul... Poemas insinuados na casca dun ovo, gravados nunha cabaza seca ou nos relevos dunha noz, enrodelados nunha cana de bambú, ganduxados na muda dun lagarto ou, en último caso, caligrafados en papel de arroz. Carecen de maiúsculas e puntos, non sendo outra cousa que coágulos de fala.

Darío a diario, Xela Arias

En 1996 Xela Arias publica «Darío a diario», un libro de poemas dedicado ao seu fillo, que ofrece unha visión desidealizada e ao tempo fonda e entrañable da experiencia da maternidade. En palabras da propia poeta: «"Darío a diario" non naceu coa vocación de ser o que hoxe é: un libro encadernado e público. Foi, no seu principio, a necesidade imperiosa de explicarlle ao meu fillo o manifesto íntimo e interno de intencións maternas nas que el mesmo, polo feito de existir, me obrigaba a moverme; o compendio de contradicións que a maternidade me provoca.»

Nesta nova edición os poemas veñen acompañados por ilustracións do artista Iván R.

Campo de plumas: poemas LGBT+ para a mocidade

Dende Safo a Mary Jean Chan, gran cantidade de poetas compuxeron ao longo do tempo versos que daban conta de diversas identidades e orientacións sexuais. En Campo de plumas, Jesús Castro Yáñez escolle algúns deles e dálles forma en galego, con gran coidado e sensibilidade. Nesta escolma os poemas manteñen unha relación fluída e natural entre si e dialogan coa mocidade de hoxe.

Coraxe: poemas audaces para rapazas afoutas

O mundo que habitarán e contribuirán a crear as adolescentes non podemos controlalo. Mais se puidésemos darlles un amuleto para que o levasen no peto, ese amuleto sería a coraxe. E por iso, no canto dunha espada –ou dunha estrada de ladrillos amarelos–, dámoslles un libro. Esta escolma de poemas saídos da mente e do corazón dalgunhas das poetas máis potentes e representativas do panorama actual pretende ser unha despensa sen fondo da que nenas, rapazas e mulleres extraian a ración exacta de coraxe que a vida lles pida a cada momento.

Street poems, Fran Alonso

Fran Alonso volve sorprender desde a poesía infantil e xuvenil, cunha ollada interdisciplinar, fundindo a frescura e a forza dos versos coa improvisación rebelde da "street art". Este é un libro de poemas inconformistas, críticos, gamberros e combativos; disparos de graffiti que poderían ser escritos nos muros e rapeados con pintura nas paredes, seguindo a estela da arte na rúa, un libro que procura espazos de confluencia entre as artes plásticas e a poesía. Os poemas de "Street Poems", volven mostrarnos un autor atrevido, capaz de actualizar e sacudir o lectorado de poesía infantil e xuvenil.

Mitos gregos, Maria Angelidou

Toda a maxia e a beleza da mitoloxía aparecen nos catorce mitos gregos desta antoloxía, que son recreados con cativadora amenidade. O libro explica, entre outras historias, a loita de Teseo contra o Minotauro, la lenda da caixa de Pandora, o desafortunado voo de Ícaro, a viaxe de Orfeo aos infernos e la astucia do cabalo de madeira co que Ulises puxo fin á guerra de Troia.

18.1.24

Concurso de cartas de amor e poesía 2024

Bases:

I. As composicións, que deben ser presentadas de xeito individual, poden ser tan extensas como queirades e terán como temática sentimentos como o amor e a amizade.

II. Poderán estar escritas tanto a man como a máquina ou computador, con boa caligrafía, sen faltas de ortografía, con limpeza e orde, indicando o curso, nome e apelidos da autora.

III. Deberán estar escritas en lingua galega e ser orixinais.

Prazo e lugar de entrega:

O prazo de entrega de cartas finaliza o venres 9 de febreiro ás 11:45 e terán que ser depositadas na urna de San Valentín situada na Biblioteca.

Premios:

Haberá un 1º premio (lote de libros e consumición de bocadillo e bebida para dúas persoas na cafetería do IES) e un 2º premio (lote de libros).

O xurado poderá declarar deserto o premio se as obras non cumpren as bases ou se considera que non teñen a calidade suficiente.

Organizan

Equipo da Biblioteca e de Dinamización Lingüística

Subscribirse a: Publicacións (Atom)