Biblioquendas : Letras galegas

17.5.18 Letras Galegas

Hoxe, Día das Letras Galegas, queremos que o celebredes escoitando un poema de María Victoria Moreno "Lúa de prata" que musicou para esta ocasión Fuxan os Ventos. Agardamos que vos guste.

Segue lendo

16.5.18 Actividades na semana das Letras Galegas

No recuncho da biblioteca temos neste Mes das Letras Galegas os libros de María Victoria Moreno que se atopan entre os nosos fondos e ,dende a biblioteca, quixemos unirnos á celebración das Letras Galegas con diversas actividades dirixidas á promoción, uso e defensa da nosa lingua.

O luns, alumnado de música de 1º de bacharelato e membros do Club de lectura acudiron a Celanova para, pola mañá, visitar o Mosteiro de San Rosendo, o templo de San Miguel, a Casa dos Poetas , asistir a un concerto didáctico de órgano e participar na interpretación dalgunhas pezas musicais. Xa pola tarde, o alumnado do Club de Lectura mantivo un encontro cos membros do Club de Lectura de Celanova na biblioteca do mosteiro e o alumnado de bacharelato representou, para alumnos daquel instituto , unha adaptación da obra de Vázquez Pintor: Nos espazos do soño con música orixinal de Gaël e Tomás Camacho.

O martes,no Lama das Quendas houbo encontros co autor Tomás González Aloha quen se reuniu co alumnado de 1º e 2º de E.S.O. en dúas sesións matinais e co profesorado e pais/nais pola tarde na biblioteca do centro onde nos enteramos de que fora alumno benquerido de Mª victoria Moreno, a poeta homenaxeada no día das letras, que foi determinante no seu gusto pola escrita.

Unha semana de festexo e celebración das Letras Galegas que non pode quedar como anécdota porque a defensa dunha lingua faise día a día usándoa.

Segue lendo

14.5.18 Descobre a María Victoria Moreno

Chegan as Letras Galegas 2018 e este ano están adicadas a María Victoria Moreno, se queres coñecer algo máis da autora homenaxeada deste ano, deixámosvos este vídeo interactivo da Deputación da Coruña no que dunha forma lúdica che axuda a descubrir a María Victoria Moreno.

Descobre a María Victoria Moreno

Segue lendo

16.5.17 Letras galegas

Hoxe, 16 de maio, celebramos na nosa biblioteca as Letras Galegas coa lectura de relatos do libro Vento Ferido de Carlos Casares, autor homenaxeado este ano 2017. O acto desenrolouse durante o recreo e contou coa colaboración do alumnado do club de lectura.
Boas LETRAS GALEGAS¡¡¡

Segue lendo

12.5.17 Letras galegas 2017

Este luns día 15 e o martes 16, durante os recreos na biblioteca do centro, celebraremos as Letras Galegas coa lectura do libro de Carlos Casares Vento Ferido. Dende aquí convidámosvos a que participedes nesta actividade e lembrámosvosvos que non hai mellor maneira de festexar a Língua Galega que falala.

Segue lendo

4.5.17 Mes das Letras Galegas

Este mes o noso recuncho de conmemoracións dedicámolo a Carlos Casares, autor homenaxeado este ano polo día das Letras Galegas. Se queredes coñecer máis de cerca a este autor non dubidedes en achegarvos á biblioteca para mergullarse na abundante obra deste escritor.