Hai quen di que a rapazada non ten interés en nada, que o de ter responsabilidades non vai cos adolescentes, que hai que empuxalos sempre , que todo o que sexa libros e lectura non é do seu gusto...Pero a evidencia demostra o contrario no Lama das Quendas.
Xa hai uns anos que vimos contando cun bo grupo de rapazas e rapaces que colaboran co equipo de biblioteca ; pero a convocatoria deste curso foi un éxito en canto ao número de persoas. Funcionou o boca-orella e o pasado venres apareceron 19 rapazas e 7 rapaces ofrecéndose para axudar durante os recreos e nas actividades que se programen ao longo do curso.
Informámolos das funcións, do protocolo de actuación neste espazo de lectura e programamos as primeiras quendas para iniciar, xa hoxe, a colaboración comezando con esas rapazas que levaban anos axudándonos e xa son veteranas.
Estamos moi contentos de que estes rapaces de 1º, 2º, 3º e 4º de ESO e 2º de Bacharelato estén dispostos a pasar algún que outro tempo de lecer rodeados de libros e compañeiros aos que axudarán sempre que o precisen no tempo de lecer.
Grazas a todos !!!
11:51
