Novembro, mes da ciencia en galego nas bibliotecas: Xurxo Mariño

"Unha das vantaxes de viaxar con tanta curva planetaria, ademais de percorrer máis países e ecosistemas, é que pode sincronizarse a ruta para manterse de xeito case permanente nas estacións de primavera e verán. Isto, o das estacións, nótase con claridade nas rexións temperadas, fóra dos trópicos. Pola contra, no ecuador e nas rexións tropicais que o rodean as diferenzas no clima ao longo do ano son menos acusadas."

Terra, Xurxo Mariño (Xerais, 2017)

Segue lendo

Novembro, mes da ciencia en galego nas bibliotecas: Ramón M. Aller

"Quen non coñece o Luceiro, unhas veces matutino e outras vespertino? Ningún astro cambia coma el de brillo, nin chega a igualalo, agás o Sol e mais a Lúa. É Venus, que xoga un pouco aos acochos co primeiro, porque unhas veces adiántaselle e vémolo ao amencer, outras atrásase e percibímolo pola tarde, pero nunca podemos velo tan afastado do Sol que sexamos capaces de observalo a media noite, nin moito menos. Máis escondido anda Mercurio, pois cando sae dúas horas antes ou se pon dúas horas despois do Sol, fai unha valentía. Parece que sempre ten frío e non quere separarse moito da fogueira solar. Mercurio é difícil de ver, hai que buscalo no crepúsculo e, como brilla moito menos ca Venus, pasa facilmente inadvertido nos escasos días que pode botárselle a vista encima.”

Astronomía a ollo ceibe, Ramón M. Aller (USC, 2016)

Segue lendo

Novembro, mes da ciencia en galego

 

Segue lendo

Novembro, Mes da Ciencia en Galego

"...chámase ciencia e é unha das ferramentas máis poderosas que desenvolvemos os seres humanos para tratar de comprender como está organizado e como funciona o mundo."
Xurxo Mariño Alfonso

Segue lendo

Historia do ADN. 40 anos de revolución biotecnolóxica, Daniel Soutullo

Este libro trata sobre os principais acontecementos na historia do ADN, desde o seu descubrimento, no século XIX, até as investigacións máis recentes, nos albores do XXI. Tamén aborda a revolución biotecnolóxica desencadeada polo coñecemento da súa estrutura e pola capacidade de manipulalo case a vontade a partir dos anos setenta do século XX. Estes acontecementos, de grande importancia científica e social, están influíndo, e influirán moito máis no futuro, na vida e na saúde das persoas. O libro, escrito nun estilo claro e ameno, diríxese a un público amplo, sen necesidade de coñecementos previos de xenética, mais con curiosidade por achegarse a ela con rigor, fuxindo de simplificacións que poidan empobrecer a comprensión do seu significado.

Segue lendo

Mate-glifos. Orixe e evolución dos símbolos en matemáticas, Nicanor Alonso / Miguel Mirás

Cunha linguaxe accesible a todos os públicos, este libro percorre a historia das matemáticas a través dos seus símbolos, dende os glifos dos xeroglíficos exipcios ata a sofisticada notación actual. Permitiranos coñecer historias e anécdotas relacionadas coas matemáticas e coas persoas que realizaron as diferentes propostas. Saberemos, por exemplo, a razón do uso da letra «x» para indicar o descoñecido, descubriremos cal é o mellor método para empaquetar esferas ou sorprenderémonos coa utilidade do número «e» para buscar a parella ideal. E tamén teremos a oportunidade de resolver crebacabezas, enigmas e pasatempos que, sen dúbida, espertarán a nosa curiosidade matemática.

Segue lendo

O universo matemático, Antom Labranha

Este libro desenvolve un amplo abano de contidos matemáticos seleccionados a partir daqueles que conforman os currículos do bacharelato, intentando poñer de manifesto cales son os seus fundamentos, o porqué da súa pertinencia, que rol desempeñan na ciencia e na cultura, que procesos conduciron á súa creación e como evolucionaron. Adóptase unha perspectiva construtiva e contextualizada, cun teor narrativo: a carreira de Aquiles e a tartaruga, o voo de Ícaro, o enigmático número pi, un enredo na compra de entradas, apostas nunha lancha de Marín, á procura dos átomos, anelando paxaros, as ondas sonoras, paseando por Monforte, chegarmos á simplicidade a través da complexidade, doazón de órganos, no niño do paxaro carboeiro, matriculando coches…

Segue lendo

Astronomía a ollo ceibe, Ramón M. Aller

Tradución galega da obra divulgativa Astronomía a simple vista, publicada orixinalmente en 1948 e reeditada facsimilarmente pola Universidade de Santiago de Compostela en 1998 e 2014, de autoría do gran astrónomo e matemático, catedrático que foi da USC e fundador do seu Observatorio Astronómico, Ramón María Aller Ulloa (1878-1966).
Nesta obra, Ramón M. Aller quixo lembrar os seus comezos de astrónomo a simple vista e facilita ao afeccionado un libro senlleiro entre os de divulgación astronómica. Tal como non é afeccionado a pescar quen se limita a ver gravados ou a ler descricións sobre o mar ou os ríos, e supérao en afección quen pola súa propia man pesca un peixiño por ben pequeno que sexa, así neste libro non se atoparán fermosos discursos sobre o Sol, a Lúa ou as estrelas, senón que pon nas súas mans o entretemento que lle permitirá, xogando, sen esforzo, facer observacións; nunha palabra, como di o seu autor, aprenderalle a ler no libro marabilloso que todas as noites se abre sobre o azul do ceo.

Segue lendo

Mes da ciencia en galego nas Bibliotecas.

"Unha sociedade ben informada é máis difícil que sexa manipulada".
Alicia Estévez Toranzo.

MES DA CIENCIA EN GALEGO NAS BIBLIOTECAS.

No seguinte enlace pódese atopar un texto, a modo de MANIFESTO, da científica Alicia Estévez Toranzo, microbióloga, académica da RAGC e da RAFG e premio María Josefa Wonenburger Planells (2018), así como unha recompilación (dende a Asesoría de Bibliotecas) de recursos dixitais relacionados coa ciencia e en galego: libros e unidades didácticas descargables en formato pdf, páxinas web de institucións, museos e asociacións de profesoras e divulgadoras científicos, convocatorias e propostas, blogues de ciencia dos centros educativos, experiencias de bibliotecas escolares, etc.

http://www.edu.xunta.es/biblioteca/blog/?q=node%2F1254

Segue lendo