Biblioquendas

15.1.26

O agrarismo das terras de Chantada, Antonio Paz Vázquez

Durante o primeiro terzo do século XX, as terras de Chantada foron escenario dunha mobilización social de de masas protagonizada polo campesiñado, articulada nunha numerosa rede de sociedade e sindicatos agrarios creados no ámbito parroquial. O agrarismo, denominación xeral do fenómeno social, artellou a mobilización das bases da sociedade agraria na defensa dos seus interese priorizando o obxectivo de abater o sistema foral e de conquista a propiedade plena da terra.

A Comarca de Chantada no século XVIII, Xosé Méndez Pérez, Tamara González López e Claudio Otero Eiriz

O presente estudo ten por obxecto debullar a realidade da actual comarca de Chantada na metade do século XVIII a través das indagacións realizadas para redactar os libros do chamado Catastro da Ensenada.

A cultura castrexa e galacio-romana no Condado de Pallares, Javier Gómez Vila e Mar Neira González

…o primeiro texto no que aparece o nome de Pallares foi no discutible Concilio Lucense de 569, cando se realiza por orde do rei suevo Teodomiro a división da diocese lucense en once condados. Será precisamente o fillo deste monarca quen determinará os seus límites no Concilio de Braga do ano 572.

Hórreos do Condado de Pallares, Carlos Regueira

Unha das maiores peculiaridades da paisaxe galega é a integración dos hórreos como un elemento frecuente. Adoitan situarse a carón do conxunto das casas e dos alpendres destinados a gardar os apeiros de labor. A dispersión poboacional característica de Galicia, cun elevado número de pequenos núcleos rurais, fai que este celeiros teñan aquí un papel aínda máis destacado.

Un patrimonio esquecido: caneiros do Miño en Guntín de Pallares, Yolanda Vázquez Vázquez

Nesta investigación preténdese realizar un achegamento ao estudo dos caneiros do río Miño no tramo que discorre polo concello lucense de Guntín. Os caneiros son unha construción típica dos ríos galegos que posúen un gran valor histórico e etnográfico.

As minas de Guntín, Jesús Otero Pereiras

Nos últimos tempos, estamos a asistir a un crecente interese pola posta en valor do acervo cultural que supón o noso patrimonio industrial. Esta tendencia podémola corroborar se reparamos no xurdimento, dentro da sociedade galega, dun lento proceso de toma de conciencia patrimonial.

4.12.25

Cinza, Xavier Alcalá e Manel Cráneo

Cinza conta a vida de Xoán, un rapaz criado durante a dictadura franquista, orfo de nai, fillo de médico, de familia galeguista. Durante dez cursos escolares na cidade, con vacacións na aldea, que se vai convertendo nun lugar de moda para o veraneo, vemos a Xoán medrar no duro contexto do seu tempo. Os anos de escola e instituto marcan a transición do neno inocente ao mozo que se ha de enfrontar aos designios da vida para cortar o cordón umbilical coa súa familia.

As alumnas, Paula Carballeira

Elvira Fontao e Rosa Lires, antigas alumnas de María Barbeito, volven atoparse na data da morte da mestra, no ano 1970. Xa son mulleres. Atrás queda a infancia, o mundo que lles abriu a mestra antes de que o Comité de Depuración a afastase do seu traballo na escola. Así, a memoria, as lembranzas que se van desenvolvendo neste xogo de persoas adultas que é o teatro, fannos descubrir como as decisións que se tomaron, e o medo e a rebeldía, marcan o seu destino.

Cuatro lunas 1. Mareas de magia, Laura Gallego

En la vida de Milo no hay nada extraordinario; solo montañas, prados y cabras. Pero un día divisa un dragón sobrevolando el Pico Brumoso, y las leyendas que cuentan los ancianos de su aldea comienzan a hacerse realidad.

Entonces, sin saber bien cómo, se ve metido en una aventura llena de peligros y misterios junto a la enigmática Nivalan...

Hasta que empiece a brillar, Andrés Neuman

Hasta que empieza a brillar cuenta la historia íntima de María Moliner, partiendo de una atractiva premisa literaria: narrar de cuerpo entero a la protagonista a través de su vínculo con la lengua. A la vez, nos propone una sugerente hipótesis: ¿y si su diccionario fuese también una suerte de autobiografía oculta?

Esta es la vida novelada de una figura apasionante, retratada desde una infancia difícil hasta un final insospechado, pasando por su extraordinaria labor como bibliotecaria en la República o su polémica candidatura a la Real Academia.

O cofre de Rande, Pablo Quinteiro Rendo

É unha trepidante novela de acción e aventuras que transcorre en dous tempos paralelos: a actualidade e o século XVIII. Na costa galega, ao abeiro das súas marabillosas rías discorre o trama, a busca dun fabuloso tesouro perdido na batalla de Rande, historias de pecios afundidos en batallas de honor. Nada é comparable ás riquezas que viñeron das Indias, nas que só o nome é sinónimo de aventura, lingotes de ouro e prata, fervenzas de moedas e pedras preciosas.

Cacharelas e marusías de pedra, Majo Villar Ferreiro

No curuto do monte unha cacharela acesa ilumina as sombras baixo unha noite sen lúa. O mar bate infatigábel ao pé do mosteiro, no que o pequeno pobo de Santa María de Oia escoita e ve o que pasa tras das cortinas das xanelas e as portas pechadas, ás escuras e silentes, namentres soan disparos de fusil preto do cemiterio.

3.12.25

Día Internacional das Persoas con Discapacidade

25.11.25

Segundo podcast do curso...

O canto gregoriano

Begoña Caamaño. Xornalista e escritora, Estefanía González Álvarez

Se algo marca a obra de Begoña Caamaño é o activismo pola igualdade. Tanto na súa profesión, o xornalismo, como na súa faceta de narradora atopamos unha muller sensible e clara nas súas ideas, profundamente convencida da importancia do feminismo na sociedade e disposta a achegar o mellor de si mesma.

Subscribirse a: Comentarios (Atom)