Pide a túa camiseta do Lamañazo...

Reserva a túa por 10 euros antes do 23 de maio.

PASOS A SEGUIR:

Envía un correo ao lamanhazorock@gmail.com,

no que inclúas os seguintes datos:

1. Nome de contacto

2. Número de camisetas a reservar

3. Talla das camisetas (S, M, L ou XL)

Recordade que a data límite para encargalas é o 23 de maio.

Prégase compromiso na hora do encargo e do pago destas.

Segue lendo

Quen é quen?

QUEN É QUEN?
Do Día do Libro ao das Letras Galegas 2024

Nas fiestras da nosa biblioteca temos pendurados debuxos de varios personaxes. Mais nin sabemos o seu nome, nin o libro no que aparece, nin a súa autoría. Unha lea!!! Así que precisamos da axuda do alumnado para poder sabelo.

O traballo en equipo e a estratexia é fundamental. Serán capaces de resolver o misterio?

Segue lendo

A boca pobre, Flann O’Brien

Bónapárt Ó Cúnasa é o protagonista dunha divertida historia que nos fala dos habitantes de Corca Dorcha, unha pequena aldea situada nalgún lugar remoto do occidente de Irlanda, onde os seus habitantes –nunca endexamais haberá ninguén coma eles– padecen con resignación as inclemencias meteorolóxicas e as penurias da fame e da miseria. O Vello de Pelo Cano, o seu avó, está sempre ao seu carón para ofrecerlle o seu consello e acompañalo en calquera oportunidade de aliviar as graves consecuencias dun destino que os gaélicos están condenados a padecer e do que non cabe fuxida posible.

Segue lendo

Todos teriamos que ser feministas, Chimamanda Ngozi Adichie

“O problema cos roles de xénero é que prescribe como teriamos que ser, no canto de recoñecer como somos. Imaxinade canto máis felices seriamos, canto máis libres de ser quen somos en realidade, se non soportásemos a carga das expectativas de xénero.” Chimamanda Ngozi Adichie demostra neste elocuente e perspicaz texto que ser feminista non é cousa só de mulleres. Neste libriño, a autora nixeriana ofrece unha definición singular do que significa ser feminista no século XXI, cun estilo claro e directo, sen deixar de lado o humor, ao tempo que dá pistas de como facer deste mundo un lugar máis xusto.

Segue lendo

A historia de Greta, Valentina Camerini

Para ser unha mañá de finais do verán en Estocolmo, o 20 de agosto de 2018 vai unha calor incrible na cidade. E segundo se oe na televisión, nos últimos meses as temperaturas foron altas, quizais a causa dos numerosos incendios en toda Suecia.

Ese día, Greta Thunberg, que daquela tiña quince anos comezou a súa folga fronte ó edificio do Parlamento: os políticos non deben esperar máis, hai que facer algo para salvar o medio ambiente. É o primeiro #fridaysforfuture da Historia.

Preparádevos para ler unha historia de esperanza, valor e determinación. Esta é a verdadeira historia de Greta Thunberg, mais tamén a de moitos outros nenos e nenas de todo o mundo dispostos a loitar contra o desinterese dos maiores, en nome dun futuro mellor. Nunca es demasiado pequeno para marcar a diferenza.

Segue lendo

Pequeno país, Gaël Faye

Burundi, 1992. Gaby ten dez anos e pasa o día cos amigos nas rúas de Bujumbura, cos que rouba mangas nos xardíns do barrio, se baña no río e fuma ás agachadas. Pero a súa vida libre de preocupacións é interrompida pola separación dos pais (francés e ruandesa) e pola guerra, que o desposuirá do paraíso da infancia e o obrigará a medrar a marchas forzadas.

Segue lendo

O conflicto dos Balcáns, Carlos Méixome, Xulio Ríos e Laudelino Pellitero

Nesta obra, que conta cun manual para o profesor e outro para o alumno, realizase unha análise pormenorizada da historia dos pobos que habitan os Balcáns, así como das causas do conflicto bélico que asola esta zona de Europa dende 1991. Trátase dunha obra que incorpora un gran dinamismo gráfico e abundancia de datos.

Segue lendo

Estampas do Grove, Paco Luna

Os solpores e amenceres do Grove... as súas mariscadoras recollendo marisco na praia, son os dous temas centrais desta proposta fotográfica do recoñecido fotógrafo Paco Luna. Andaluz agora felizmente xubilado no Grove, a súa terra de acollida, exerceu de mozo como foto-xornalista, colaborando co xornal Sol de España e o Diario Sur de Málaga. Agora, gañado o tempo de lecer, dedica todo o seu tempo á familia e á súa paixón: a fotografía, unha terapia, di, coa que se relaxa e goza de canto o rodea. Coa súa cámara sempre aberta, nos últimos anos foi capaz de captar como ninguén a beleza do Grove, a ría de Arousa e outros puntos da comarca.

Segue lendo

Lamañazo un curso máis?

 

Segue lendo

Obradoiro de danza...

O pasado venres 26 de abril tivemos un marabilloso obradoiro de danza da man de Paulo Fernández de Kirenia Danza para o alumnado de 1º de Bacharelato no Espazo Xove de Chantada. Un luxo! 🖤

Segue lendo