14.2.25
13.2.25
Cando Mortiña sobe ao faiado na procura de disfraces para Halloween, atopa unha postal dos seus pais! Víraos por última vez cando saían para unha longa viaxe... pero nunca máis regresaron. Que sería deles? Para descubrilo terá que botar man de habilidades de detective e de moita imaxinación. Coa axuda de Tristeiro, o seu can fiel, de Dilbert e de todos os seus amigos e amigas, Mortiña seguirá as pegadas de mamá e papá... Pero, dará con eles? Unha nova aventura da nena zombi que se converteu nun éxito internacional, publicada en máis de trinta países.
A poesía de Rosalía de Castro agroma nun triángulo de furias: a reivindicación das mulleres; a meniña gaiteira que tatexa palabras inaugurais dunha nación non prevista; e a ira contra a precariedade, a compaixón polas persoas inocentes e tristes, a certeza da vulnerabilidade. Nese triángulo de furias afírmase a Rosalía feminista. Dálle voz á moza, á violada, á solteira, á vella, á nai obrigada a deixar o fillo só, ás mulleres confinadas entre o amor romántico e unha idea estreita de familia. Avisa dos perigos do gaiteiro da festa, do emigrante que non ha volver, da violencia do poder. Defende a xustiza pola man. E crea a viúva de vivo: esa muller soa, sen rostro, sen amor e tamén sen amo que resolve, como unha Penélope navegante, deixar de agardar.
Os poemas de Konstandinos Kavafis están considerados entre os máis fermosos nunca escritos. A capacidade de evocar tempos pasados xunto coa precisa ollada sobre os grandes temas da Humanidade continúa atraendo admiradores, especialmente entre o lectorado máis novo.
Por primeira en vez en galego publícase a súa Poesía completa anotada con detalles e explicacións sobre centos de eventos históricos, personaxes e localizacións.
O movemento feminista actual ten un punto cego, que, paradoxalmente, son as mesmas mulleres que o compoñen. A maioría das feministas non adoitan falar da satisfacción das necesidades básicas como unha cuestión feminista, pero a inseguridade alimentaria, o acceso a unha educación de calidade, os barrios seguros, un salario digno e a atención médica son tamén cuestións relacionadas. O feito de que moitas feministas se neguen a dar prioridade a estas cuestións non fixo máis que exacerbar as discordias internas. Ademais, as feministas brancas prominentes sofren a súa propia miopía con respecto a como cousas como a raza, a clase, a orientación sexual e a capacidade se entrecruzan co xénero.
11:27
Música Na Lama
feminismo, psicoloxía
Comenta
Feminismo terapéutico pretende recoñecer a desigualdade e traballar diferentes técnicas para que as mulleres atopen a súa propia voz. Unha viaxe apoderadora e práctica que combina autodescubrimento, creatividade, narrativa e grandes figuras femininas para reflexionar, gozar e transformar a propia vida.
A xornalista Mona Eltahawy non é allea á controversia. A través dos seus artigos e accións, loitou pola autonomía, a seguridade e a dignidade das mulleres musulmáns, atraendo seguidores e detractores. No seu primeiro libro, Hixabs e himes, relixiosas- que reducen millóns de mulleres a cidadás de segunda clase.
Subscribirse a:
Publicacións (Atom)
