O eco das amazonas, Baldomero Moreiras

O Eco das Amazonas é unha homenaxe á MULLER, a creación dun retablo.

Entendendo como Amazonas todas aquelas sagaces que souberon levar as rendas das súas vidas, do seu talento, da súa intelixencia a niveis sobresaíntes en todas as disciplinas intelectuais das Artes e das Ciencias. A pesar de teren sido silenciadas, a resonancia…, o Eco do seu bo facer aínda se escoita. Esas Amazonas seguen vivas, PROCURÉMOLAS! Tomando como fío musical a delicada partitura de Maurice Ravel: Pavana para unha Infanta Defunta.