REABRIMOS!!

Hoxe reabre a biblioteca do IES Lama das Quendas onde recollemos o testemuño de Alfonso quen foi o seu coordinador durante os derradeiros nove anos. Agradecendo o seu traballo a prol da lectura, iniciamos outra etapa neste  novo curso 2018-2019.

Cada setembro, todos (alumnado, profesorado, familias...) facémonos unha chea de bos propósitos como corresponde ao inicio dun novo ano escolar. Nós tamén queremos berrar ben forte o noso desexo: LEDE MOITO!!!

Lede o máximo que poidades porque así teredes a mente entrenada para calquera vicisitude que xurda.

A lectura é un hábito saudable porque aumenta o noso vocabulario ao sumar novas palabras que van mellorar moito as nosas comunicacións.

Ler é un vicio que non causa danos no organismo, se non contamos que ilustra a nosa mente e ábrelle novas perspectivas que a convirten en máis eficiente.

Non se pode esquecer outra vantaxe de ler: a literatura motiva aos lectores a crear situacións inesquecibles na nosa imaxinación.

Se estes beneficios non vos parecen bastante, podemos engadir aínda outros efectos colaterais que se observan nos bos lectores: ser máis eficaces e rápidos que os demais.

Se a lectura provoca todo isto...que agardas para gozar co hábito de ler?