Animación á lectura

Comezamos moi ben a semana con  Benxamín, da Editorial Edebé que impartiu catro sesións de animación á lectura baseándose en libros que a rapazada xa lera.

Cos de 1º de ESO traballou Contando nubes de Nuria Pradas; e cos de 2º de ESO, Gracias, Diana de Maribel Romero Soler.

Benxa fíxolles pensar desde outras perspectivas; axudoulles a mirar máis alá do texto; animounos a  continuar a historia contada; a detectar a diferenza da realidade que vivimos e a ficcionada que se narra; a escenificar e representar momentos das tramas e crear e recrear historias.

As sesións desenvolvéronse con grande interés por parte dos alumnos que afirmaron lles soubera a pouco.

Que ben se pasa cando se pasa ben! E se non mirade as fotografías!Gozando cos libros!!