O solpor dos Deuses- AS crónicas de Bran vol. II

O solpor dos Deuses- AS crónicas de Bran vol. II de Xosé Duncan. Contos estraños (2015)

Un solpor sempre remata coa luz devorada polo fusco, polas tebras que escorregan alén do firmamento. É a mesma escuridade que afoga a alma da Curuxa quen, a través das brétemas de Annwn, voa até o noso mundo para liberar a Bran do feitizo que o mantén prisioneiro.

Chega a fin dunha era, do tempo en que os deuses dominaban Alba. Mentres os ríos ardentes caen desde os ceos e a serra e o mar son devorados polas lumaradas, o espertar dos Cristais decidirá o destino da humanidade.