AX(e)ITAR A LINGUA: Orientacións para unha comunicación inclusiva no ensino, Montse Pena Presas, María Caamaño Rojo

O propio título recolle as accións necesarias á hora de abordar a linguaxe inclusiva, nomeadamente o verbo axitar no sentido de espertar conciencias e facer un  chamamento ao profesorado sobre o cuestionamento do sistema estabelecido. Neste caso sobre a linguaxe inclusiva e a coeducación, pero en xeral para mostrar unha postura crítica ante o sistema dado que o ensino é onde se forxa a sociedade do futuro.