Noite de voraces sombras, Agustín Fernández Paz

Sara, unha moza de dezaseis anos, relata o verán que pasou na casa da súa avoa, un tempo marcado pola descuberta das cartas, fotografías, diarios e libros de seu tío avó Ramón, un mestre republicano que viu frustrada a súa vida tras pasar polos cárceres franquistas; a súa historia de amor e compromiso político fora sempre silenciada na familia. Trátase dunha novela de iniciación que se combina con doses de intriga e misterio. Sara coñecerá os anos da represión e do exilio interior que sufriron o tío Ramón e outros moitos mestres republicanos durante a Guerra Civil española e a longa posguerra.