O anxo da revolución, George Griffith

A principios do século XX o grao de descomposición da sociedade é tal que unha agrupación clandestina que se autodenomina “Os Terroristas” decide que a única esperanza para o mundo é unha guerra total que desestruture o escenario actual para comezar de novo, desde cero. É evidente, vendo o precario equilibrio entre as potencias, que a guerra comenzará en calquera momento. O único que deben facer é asegurarse de que, ao rematar esta, a sociedade que xurda sexa a mellor posíbel para todos os individuos, e non só para a clase dominante. É alí onde Richard Arnold xoga un papel fundamental fabricando unha nave que suca os ceos a unha asombrosa velocidade e porta armas capaces de destruir fortalezas inexpugnábeis. O destino do mundo depende del, e el está entregado á causa, tanto por estar convencido da xustiza da mesma como por poder así conquistar ao anxo da revolución, musa de todos os Terroristas.