Slumdog millionaire

       Un filme dirixido por Danny Boyle gañador de oito premios Oscar, catro globos de ouro, sete premios BAFTA e o Goya á mellor película europea entre outros.

           Jamal Malik, un mozo orfo que vive nunha barriada pobre de Bombay, decide presentarse á versión india do concurso: " Quen quere ser millonario? ". Ante a sorpresa de todos, Jamal responde correctamente a todas e cada unha das preguntas. Como é posible que un rapaz como el sexa capaz de coñecer todas as respostas? Cando Jamal está a punto de responder á última pregunta, a que lle fará gañar 20 millóns de rupias, a policía  deténo e levao para interrogalo. Jamal deberá explicar por que coñecía as respostas, tendo que recorrer para iso a relatar diferentes momentos...