Petando nas portas de Dylan

Coñecida é a devoción de Antonio GarcíaTeijeiro polo músico norteamericano que fora premiado co premio Nobel de literatura 2017. Como coñecida é a importancia da música pop e rock na súa produción, tantas veces bebendo nesas notas e nesas letras.

Petando nas portas de Dylan de Antonio García Teijeiro
Ed. Galaxia ,2016
 Petando nas portas dos sentimentos. Petando cos versos na vida, abríndoa, facendo que as palabras canten. Como cantan os poemas de Bob, pero doutro xeito. Como soa o corazón. Como asubía o vento e brúa o mar... Velaquí un poemario que fala da vida, en todas as súas facetas. Que nos fai entender que a poesía é necesaria para sobrevivir. Que non hai nada mellor ca o mundo entendido en clave poética. E que un libro de versos pode recoller o universo. Velaquí un libro no que poesía, vida e ti vos daredes a man.

Coas ilustracións excelentes de Xosé Cobas que sempre acompañaron estes poemas, podemos achegarnos de novo a todo un clásico da poesía do poeta vigués, para seguir petando nas portas de Dylan coa mesma intensidade lírica de sempre.