Frases poéticas para a rúa Uxío Novoneyra

Lembrades que convocamos unha actividade para que nos achegásedes as frases poéticas que queriades que pintásemos na rúa? Pois xa as temos. Cales son ? Cales se pintarán? Ai! Haberá que agardar a que o tempo mellore e nos permita realizar a actividade nos pasos de peóns que hai fronte ao noso instituto. Non queremos facer unha chafallada.

Mentres chega o día, hoxe fixemos entrega dun agasallo ao alumnado que nos fixo as súas suxestións. A que non sabedes cal foi o regalo? Mirade as mans dos que están na foto e decatarédesvos de que non había nada máis apropiado no Día do Libro: un libro!

Grazas a Brais, Iván, Alejandro, Paula, Sara, Irene e Arman. Grazas aos que nos propuxestes frases sen identificarvos ( a pena é que non levastes agasallo!). Sodes parte importante desta actividade enmarcada no Mes do Libro no IES Lama das Quendas.