18:38
Rematamos o mes do libro con outra actividade programada polo equipo da biblioteca. Nesta, primeiro precisamos as suxestións da comunidade educativa, e despois, a colaboración do Concello de Chantada para pintar as frases nos pasos de peóns da rúa do escritor Uxío Novoneyra que transcorre por diante do noso centro.
Se tiveramos que suspender a actuación a semana pasada por mor do mal tempo, hoxe , a iso das 11:00h cando o sol quentaba con intensidade, un equipo de traballadores do concello e o noso director puxéronse mans á obra para que quedasen gravadas , polo tempo que dure a pintura, as mensaxes relacionadas cos libros e a lectura.
Quen as viu quedou agradablemente sorprendido.
Quixemos que a afección polos libros e a lectura saia do centro, chegue ás rúas de Chantada e , oxalá, flúa por elas de punta a cabo entrando nos nosos fogares.
Grazas a todas as persoas que dun xeito ou doutro se implicaron e colaboraron con nós para facer realidade este proxecto.
0 comentarios:
Publicar un comentario