Visita guiada pola exposición «Un traballo de libro»

Seguindo coas actividades do Mes do Libro, mañá, mércores 24 de abril, na biblioteca do noso IES , terá lugar unha visita guiada á exposición «Un traballo de libro». Nesta ocasión será o alumnado de 1º A e 1º B de ESO coa súa profesora de Lingua Galega, Susana Váquez, quen nos explique como preparou a súa obra facéndonos partícipes do proceso á vista do resultado final do material exposto.

Mesmo teremos ocasión de participar nos xogos creados por algúns rapaces,  o que nos permitirá coñecer o xogo e o libro no que se basea.

Ademais dos traballos que están depositados na biblioteca coñeceremos outros en formato dixital que serán proxectados en pantalla e comentados polos seus autores.

Se calquera membro da familia desta rapazada o desexa, pode achegarse á biblioteca do IES lama das Quendas e gozar con todos da actividade que se realizará de 11:45 h  a 13:25 h. da mañá.

Agardámosvos!!